କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା କାଶିନୀପଦର ପଞ୍ଚାୟତ ଅଧୀନରେ ଥିବା ମାଝିପଡ଼ା ଗାଁ ର ଜଣେ ଯୁବକ ତାଙ୍କ ଶଶୁରଘରେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି I ମୃତ ଖବର ଜଣା ପଡିଵା ପରେ ମୃତକଙ୍କ ପରିବାର ଓ ସାରା ମାଝିପଡ଼ା ଗାଁ ରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି I ତେବେ ହଠାତ ଘରର ଏକମାତ୍ର ରୋଜଗାରିଆ ପୁଅ କୁ ହରାଇ ପରିବାର ଭାଙ୍ଗିପଡ଼ିଥିବା ବେଳେ ଯୁବକ ଜଣକୁ ହତ୍ୟା କରାଯାଇଥିବା ନେଇ ମୃତ ଯୁବକ ଙ୍କ ପରିବାର ଲୋକେ ଥାନାରେ ଏକ ଲିଖିତ ଅଭିଯୋଗ କରିଛନ୍ତି I ତେବେ ସୂଚନା ଅନୁସାରେ ଫିରିଙ୍ଗିଆ ଥାନା ଏହି ମାଝୀପଡା ଗାଁ ର ସିଦ୍ଧେଶ୍ୱର ପାତ୍ର ଙ୍କ ଏକମାତ୍ର ପୁଅ ବିକ୍ରମ ପାତ୍ର ଏଲିଆସ ବୁଲୁ ପ୍ରାୟ ଆଠବର୍ଷ ତଳେ କନ୍ଧମାଳ ଜିଲ୍ଲା ଗୋଛାପଡା ଥାନା ସ୍ବର୍ଗତ ସିର୍ବା ମଳିକ ଙ୍କ ଝିଅ ଅଞ୍ଜନା ମଳିକ ନାମକ ଏକ ଆଦିବାସୀ ଝିଅକୁ ପ୍ରେମବିବାହ କରିଥିଲେ I ସେତେବେଳେ ଜାତିଆଣ ମତଭେଦ କୁ ନେଇ ଉଭୟ ପରିବାର ଦୁହିଁଙ୍କୁ ପ୍ରେମ କୁ ଵାରଣ କରିଆସୁଥିଲେ I ତଥାପି ଉଭୟ ଙ୍କ ପ୍ରେମ ଏତେ ଗଭୀର ଥିଲାଯେ ଉଭୟେ ପରିବାର ଲୋକଙ୍କ କଥାକୁ ଅମାନ୍ୟ କରି ବିବାହ କରିଥିଲେ I ଯୁବକ ଜଣକ ପ୍ରେମ ବିବାହ କରିବା ପରେ ପରିବାର ଲୋକ ଵାରଣ କରିବାରୁ ତାଙ୍କ ଶଶୁର ଘରେ ରହି ଆସୁଥିଲେ I ବେଶ ଖୁସି ରେ ସଂସାର ମଧ୍ୟ୍ୟ ଚାଲିଥିଲା I ବର୍ତମାନ ତାଙ୍କର ଗୋଟିଏ ଛଅ ବର୍ଷର ପୁଅ ଥିବା ବେଳେ ଗୋଟିଏ ଦେଢ଼ବର୍ଷର ଝିଅ ମଧ୍ୟ୍ୟ ଅଛନ୍ତି I ମୃତ ଯୁବକ ଜଣକ ମଧ୍ୟ୍ୟ ଏକ ଠିକା ସଂସ୍ଥା ର ଗାଡି ଚଳାଇ ବେଶ ଦୁଇପଇସା ରୋଜଗାର କରି ନିଜ ପରିବାର ପରିପୋଷଣ କରିଆସୁଥିଲେ I ତେବେ ଗତ କିଛି ଦିନ ହେଲା ଏକ ଘରୋଇ ଅର୍ଥଲଗାଣ କରି ସଂସ୍ଥା ଠାରୁ ଋଣ ଆଣିବା ପରେ ଉଭୟ ସ୍ୱମୀ ସ୍ତ୍ରୀ ଙ୍କ ମଧ୍ୟ୍ୟରେ ଋଣ ଶୁଝିବା କୁ ନେଇ ଗଣ୍ଡଗୋଳ ଲାଗିରହିଥିଲା I ଗତକାଲି ରାତିରେ ମୃତ ଯୁବକ ଜଣକ ଡିୟୁଟି ରୁ ଫେରିବା ପରେ ଏହି ଋଣ କୁ ନେଇ ଉଭୟଙ୍କ ମଧ୍ୟ୍ୟରେ ଗଣ୍ଡଗୋଳ ହୋଇଥିଲା I ପରେ ମୃତ ଯୁବକ ଜଣକ ବାହାରୁ ଟିକେ ଆସୁଛି କରି ଏକ ପ୍ଲାଷ୍ଟିକ ଦଉଡ଼ିରେ ଘରପାଖରେ ଥିବା ବାରଣ୍ଡାରେ ରୋସିଲଗାଇ ଆତ୍ମହତ୍ୟା କରିଥିବା ମୃତକଙ୍କ ସ୍ତ୍ରୀ କହିଛନ୍ତି I ଘଟଣା ସମ୍ପର୍କ ରେ ଯୁବକଙ୍କ ଶାଶୁଘର ଲୋକେ ଯୁବକଙ୍କ ପରିବାର ଲୋକଙ୍କୁ ଖବର ଦେଇଥିଲେ I ପରିବାର ଲୋକେ ଆସିଵା ସମୟରେ ତାଙ୍କ ବେକରେ ଲାଗିଥିବା ରୋସିକୁ କାଡିଦିଆଯାଇ ଘରଭିତରେ ଥିବା ଏକ ଖଟିଆରେ ରଖଆଯାଇଥିଵା ଦେଖିବାକୁ ପାଇଥିଲେ I ଯାହାପାଇଁ ଯୁବକଙ୍କ ପରିବାର ଲୋକଙ୍କ ମଧ୍ୟ୍ୟରେ ସନ୍ଦେହ ସୃଷ୍ଟି ହୋଇଥିଲା I ପରେ ଯୁବକ ଜଣକୁ ତାଙ୍କ ଶାଶୂଘର ଲୋକେ ହତ୍ୟା କରିଥିବା ନେଇ ଗୋଛାପଡା ଥାନାରେ ଏକ ଲିଖିତ ଅଭିଯୋଗ କରାଯାଇଥିଲା I ଖବର ପାଇ ଗୋଛାପଡା ଥାନା ଅଧିକାରୀ ପ୍ରଭାତ କୁମାର ବେହେରା ଘଟଣାସ୍ଥଳରେ ପହଁଞ୍ଚୀଶବ ଜବତ କରିଵା ସହ ୦୨/ ୨୦୨୪ରେ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଲୟକୁ ପଠାଯାଇଛି ଓ ଶବବ୍ୟବଚ୍ଛେଦ ରିପୋର୍ଟ ଆସିବା ପରେ ଏହା ହତ୍ୟା ନା ଆତ୍ମହତ୍ୟା ଜଣାପଡିବ ବୋଲି ସୂଚନା ଦେଇଛନ୍ତି ଗୋଛାପଡା ଥାନା ଅଧିକାରୀ ପ୍ରଭାତ କୁମାର ବେହେରା I
କନ୍ଧମାଳ ଜିଲ୍ଲା ରୁ ମୃତ୍ୟୁଞ୍ଜୟ ଦିଗାଲ ଙ୍କ ରିପୋର୍ଟ
