ଆସିକା : ପ୍ରଜାପିତା ବ୍ରହ୍ମାକୁମାରୀ ଈଶ୍ବରୀୟ ବିଶ୍ବବିଦ୍ୟାଳୟ ସ୍ଥାନୀୟ ସେବା କେନ୍ଦ୍ର ଶାନ୍ତି ଶକ୍ତି ଭବନ ଦ୍ଵାରା ଆସିକା ଉପ-କାରାଗାର ଅନ୍ତେବାସୀଙ୍କ ଉଦ୍ଦେଶ୍ଯରେ ଏକ- ଦିବସୀୟ ରାଜଯୋଗ ଶିବିର ଅନୁଷ୍ଠିତ ହୋଇଯାଇଛି l ଉପ- କାରାଗାର ଅଧ୍ୟକ୍ଷ ଖଗେଶ୍ଵର ସିଂ ଙ୍କ ସଂଯୋଜନାରେ ଆୟୋଜିତ ଏହି ଶିବିରରେ ରାଜଯୋଗିନୀ ବ୍ରହ୍ମାକୁମାରୀ ସୁଜ୍ଞାନୀ ଉପ-କାରାଗାର ଅନ୍ତେବାସୀ ତଥା ସମସ୍ତ କର୍ମକର୍ତ୍ତାଙ୍କୁ ସହଜ ରାଜଯୋଗ ଆଧାରରେ ପରମାତ୍ମା ଶିବପିତାଙ୍କ ସହିତ ଯୋଗ ଯୁକ୍ତ ରହି ଆତ୍ମିକ ଶକ୍ତିକୁ ଜାଗ୍ରତ କଲେ ସର୍ବଦା ନକାରାତ୍ମକ ପରିସ୍ଥିତିରେ ଆଗକୁ ବଢିବା ପାଇଁ ଉର୍ଜା ମିଳିଥାଏ ବୋଲି ପ୍ରକାଶ କରିଥିଲେ l କାର୍ଯ୍ୟକ୍ରମ ପରିଚାଳନାରେ ସବ-ଆସିଷ୍ଟାଣ୍ଟ ଜେଲର ହରି କୃଷ୍ଣ ବେହେରା , ଫାର୍ମାସିଷ୍ଟ ଉମାକାନ୍ତ ସାହୁ,ୱାର୍ଡର ହରି ହର ବେହେରା, ରମେଶ ଚନ୍ଦ୍ର ନାୟକ, ବିରଞ୍ଚି ନାରାୟଣ ସାହୁ,ବିଜୟା ନନ୍ଦ ରାଉତ, ରାଜେଶ କୁମାର ସାହୁ ଓ ସୁବାଷ୍ ଡାକୁଆ,ସୁକାନ୍ତ ନାୟକ, ତିଳୋତ୍ତମା କହଁର, ମଞ୍ଜୁବାଳl ସାହୁ ପ୍ରମୁଖ ଉପସ୍ଥିତ ଥିଲେ l କାର୍ଯ୍ୟକ୍ରମରେ ବ୍ରହ୍ମାକୁମାରୀ ସୁଵାସିନୀ, ବ୍ରହ୍ମାକୁମାର , ସତ୍ୟପ୍ରିୟ,ରାମେଶ୍ଵର, ବୁଲୁ ଓ ସୁନୀଲ ସହଯୋଗ କରିଥିଲେ l କାର୍ଯ୍ୟକ୍ରମ ଶେଷରେ ରାଜ ଯୋଗିନୀ ବ୍ରହ୍ମାକୁମାରୀ ସୁଜ୍ଞାନୀ ଉପ- କାରାଗାର ଅନ୍ତେବାସୀଙ୍କୁ ସହଜ ରାଜଯୋଗ ଅଭ୍ୟାସ କରାଇବା ସହିତ ଇଶ୍ବରୀୟ ପତ୍ରିକା ଜ୍ଞାନଦର୍ପଣ ବିତରଣ କରିଥିଲେ
