୪ ଦିନିଆ ଓଡ଼ିଶା ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏୟାରପୋର୍ଟରେ ପହଞ୍ଚିବା ପରେ ସ୍ବାଗତ କରିଥିଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ । ସେଠାରୁ ସିଧାସଳଖ ଜୟଦେବ ଭବନ ଅଭିମୁଖେ ବାହାରିଥିଲେ ରାଷ୍ଟ୍ରପତି । ଜୟଦେବ ଭବନରେ ଲୋକସେବକ ମଣ୍ଡଳ ଓ ‘ସମାଜ’ ଆନୁକୂଲ୍ୟରେ ଆୟୋଜିତ ଦୈନିକ ‘ସମାଜ’ର ପ୍ରତିଷ୍ଠାତା ପୁଣ୍ୟାତ୍ମା ଗୋପବନ୍ଧୁ ଦାସଙ୍କ ୯୬ତମ ଶ୍ରାଦ୍ଧୋତ୍ସବ କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମୁଖ୍ୟ ଅତିଥି ଭାବେ ଯୋଗଦେଇଛନ୍ତି।
ଆଜି ରାଜଭବନରେ ରାତ୍ରିଯାପନ କରିବେ ରାଷ୍ଟ୍ରପତି । ଆସନ୍ତାକାଲି ପୁରୀ ରଥଯାତ୍ରାରେ ହେବେ ସାମିଲ । ରଥରେ ମହାପ୍ରଭୁଙ୍କ ଦର୍ଶନ କରିବେ ରାଷ୍ଟ୍ରପତି । ସୋମବାର ଖଣ୍ଡଗିରି ଓ ଉଦୟଗିରି ଯିବେ । ୮ ତାରିଖ ଅପରାହ୍ନରେ ମେଣ୍ଢାଶାଳରେ ରହିଛି କାର୍ଯକ୍ରମ । ସେହିଭଳି ୯ ତାରିଖରେ ଜଟଣୀ ନାଇଜରରେ ଥିବା କାର୍ଯକ୍ରମ ସାମିଲ ହେବେ ରାଷ୍ଟ୍ରପତି ।
