ବି ଜେ ଡି ର ସାଂଗଠାନିକ ବୈଠକ

ଧରାକୋଟ,23/4/24
ଧରାକୋଟ ବ୍ଲକ ବିଜୁ ଜନତା ଦଳ ତରଫରୁ ଛାମୁଆ କର୍ମୀ ମାନଙ୍କୁ ନେଇ ଏକ ସାଂଗଠାନିକ ବୈଠକ ଧରାକୋଟ ରାଜବାଟି ପରିସରରେ ଅନୁଷ୍ଠିତ ହୋଇଯାଇଛି । ସାନଖେମୁଣ୍ଡି ଆସନ ର ପୂର୍ବତନ ବିଧାୟିକା ନନ୍ଦିନୀ ଦେବୀ,ବର୍ତ୍ତମାନର ବି ଜେ ଡି ପ୍ରାର୍ଥୀ ସୁଲକ୍ଷଣା ଗୀତାଞ୍ଜଳି ଦେବୀ ବୈଠକ ରେ ଉପସ୍ଥିତ ରହି ଦଳୀୟ ସଂଗଠନ କୁ ଆଗକୁ ନେବା ପାଇଁ ବିଚାର ବିମର୍ଶ କରିବା ସହ ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନାର ସଚେତନତା ବାର୍ତ୍ତା ସମଗ୍ର ବ୍ଲକ ଅଞ୍ଚଳରେ ପହଞ୍ଚାଇ ବିଜୁ ଜନତା ଦଳ ସପକ୍ଷରେ ଯେପରି ଅଧିକ ମତଦାନ ହେବ ସେଥିପାଇଁ ଉଦ୍ୟମ କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା । ଏହି ଅବସରରେ ବୁଥ ସ୍ତରରେ ମତଦାନ ବୃଦ୍ଧି ପାଇଁ ୱାର୍ଡ ସ୍ତରରେ କମିଟି ଗଠନ ପାଇଁ ଗୁରୁତ୍ଵ ଆରୋପ କରାଯାଇଥିଲା । ଏଥିରେ ଧରାକୋଟ ର ଛାମୁଆ ଓ ବରିଷ୍ଠ କର୍ମୀ ମାନେ ଉପସ୍ଥିତ ରହି ନିଜ ନିଜର ମତ ଉପସ୍ଥାପନ କରିଥିଲେ।