ଧରାକୋଟ,30/7/24
ଧରାକୋଟ ବ୍ଲକର କୃଷି ସୂଚନା କେନ୍ଦ୍ର ପରିସରରେ ଦୁଇ ଦିନିଆ ଅଣ ଆବାସିକ ତାଲିମ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବରେ ଏ ବି ଡି ଓ ସୁଶିଲ ପଟନାୟକ, ଅତିଥି ଭାବରେ ବ୍ଲକ ମୁଖ୍ୟ କୃଷି ଅଧିକାରୀ ବିଶ୍ଵନାଥ ବେହେରା,ଓ ଏଲ ଏମ ପ୍ରତାପ ସ୍ଵାଇଁ ଓ ବି ପି ସି ବିଷ୍ଣୁ ଚରଣ ବେହେରା ପ୍ରମୁଖ ଉପସ୍ଥିତ ରହିଥିଲେ। ଓଡ଼ିଶା ରାଜ୍ୟ କୃଷି ଓ କୃଷକ ସସସ୍ତିକରଣ ବିଭାଗ ଦ୍ଵାରା ପରିଚାଳିତ ଓଡ଼ିଶା ମିଲେଟ ମିଶନ ତରଫରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ବିଭିନ୍ନ ପଞ୍ଚାୟତ ର ଅଙ୍ଗନୱାଡ଼ି କର୍ମୀ, ସି ଆର ପି,ସ୍ଵୟଂ ସହାୟକ ଗୋଷ୍ଠୀ,ଚାଷୀ ଓ ପଞ୍ଚାୟତ କର୍ମୀ ମାନେ ଯୋଗଦେଇଥିଲେ । ଶିବିରରେ ମାଣ୍ଡିଆ ଚାଷର ବହୁଳ ପ୍ରଚାର ପ୍ରସାର ଓ ଏଥିପାଇଁ ରହିଥିବା ସରକାରୀ ସୁବିଧା ସୁଯୋଗ ସମ୍ପର୍କରେ ଆଲୋଚନା କରାଯାଇ ଶିବିରର ମୁଖ୍ୟ ଉଦ୍ଦେଶ୍ୟ ଓ ବାର୍ତା ଯେପରି ବ୍ଲକର ସମସ୍ତ ପଞ୍ଚାୟତ ରେ ପହଞ୍ଚି ପାରିବ ସେଥିପାଇଁ ସଚେତନତା କରାଯାଇଥିଲା । ଶିବିରରେ ସକାଳ ସଂସ୍ଥା ଦ୍ବାରା ପରିଚାଳିତ ଓଡ଼ିଶା ମିଲେଟ ମିଶନ ର ବ୍ଲକ ସଂଯୋଜକ ପ୍ରଶାନ୍ତ କୁମାର ମହାନ୍ତି ଓ ପ୍ରଭାକର ଗୌଡ଼ ଙ୍କ ସମେତ ସମସ୍ତ କର୍ମଚାରୀ ସହଯୋଗ ପ୍ରଦାନ କରିଥିଲେ
