ଖୋର୍ଦ୍ଧା ,୧୬/୮(ସଂଙ୍ଘର୍ଷ ଟିଭି ): ଆଜି ସ୍ଥାନୀୟ ପ୍ରଜାପିତା ବ୍ରହ୍ମା କୁମାରୀ ଈଶ୍ଵରୀୟ ବିଶ୍ୱ ବିଦ୍ୟାଳୟର ଓମ ଶାନ୍ତି ଭବନଠାରେ ଅନୁଷ୍ଠାନର ସଂଚାଳିକା ବିକେ ଉମାଭଉଣୀଙ୍କ ପୌରୋହିତ୍ୟରେ ରକ୍ଷା ବନ୍ଧନ ଉତ୍ସବ ପାଳିତ ହୋଇଯାଇଛି |ମୁଖ୍ୟ ଅତିଥିଭାବେ ପ୍ରଜାପିତା ବ୍ରହ୍ମାକୁମାରୀ ଈଶ୍ଵରୀୟ ବିଶ୍ୱବିଦ୍ୟାଳୟ ଭୁବନେଶ୍ୱର ସବଜୋନର ମୁଖ୍ୟ ବିକେ ଲିନାଭଉଣୀ ଓ ସାମ୍ବାଦିକ ଉମେଶ ଚନ୍ଦ୍ର ପଟ୍ଟନାୟକ ପ୍ରମୁଖ ଯୋଗଦେଇ ରକ୍ଷା ବନ୍ଧନ ଉତ୍ସବର ମାହାତ୍ମ୍ୟ ସମ୍ବୋଧରେ ଉପସ୍ଥିତ ବିକେ ଭାଇ ଓ ଭଉଣୀଙ୍କୁ ସୁ ପରାମର୍ଶ ଦେଇଥିଲେ |ଏହି ଅବସରରେ ଅତିଥି ମାନଙ୍କ ଠାରୁ ଆରମ୍ଭକରି ଉପସ୍ଥିତ ଶହଶହ ସଂଖ୍ୟାରେ ଭଉଣୀ ଓ ଭାଇ ମାନଙ୍କୁ ଅନୁଷ୍ଠାନ ପକ୍ଷରୁ ରାକ୍ଷୀ ବନ୍ଧନ କରାଯାଇ ସମସ୍ତଙ୍କ ଦୀର୍ଘ ଜୀବନ କାମନା କରାଯାଇଥିଲା | କାର୍ଯ୍ୟକ୍ରମକୁ ବିକେ ପ୍ରଭାସିନୀଭଉଣୀ ପରିଚାଳନା କରିଥିଲେ |ଶେଷରେ ବିକେ ମହେଶ୍ୱରଭାଇ ଧନ୍ୟବାଦ ଅର୍ପଣ କରିଥିଲେ |ବିକେ ଅଭିମନ୍ୟୁଭାଇ , ବିକେ ଉମେଶଭାଇଙ୍କ ସମେତ ଓମଶାନ୍ତି ଭବନର ସମସ୍ତ ବିକେ ଭାଇ ଓ ଭଉଣୀ ଉପସ୍ଥିତ ରହି ସହଯୋଗ କରିଥିଲେ |ଏହି ଅବସରରେ ନିରାକାରପୁର ସମ୍ବାଦ ପ୍ରତିନିଧି ଉମେଶ ଚନ୍ଦ୍ର ପଟ୍ଟନାୟକଙ୍କ ପିତୃଦେବ ନାରାୟଣ ମହାନ୍ତିଙ୍କ ବିୟୋଗ ଓ ସାମ୍ବାଦିକ ଦାଶରଥି ଶ୍ରୀଚନ୍ଦନଙ୍କ ପିତୃଦେବ ପ୍ରଫୁଲ୍ଲ ଶ୍ରୀଚନ୍ଦନଙ୍କ ବିୟୋଗ ପାଇଁ ଓମ ଶାନ୍ତି ଭବନ ତରଫରୁ ଉଭୟଙ୍କ ଅମର ଆତ୍ମାର ସଦଗତି ନିମନ୍ତେ ୧ମିନିଟ ସମୟ ଧରି ନିରବ ପ୍ରାର୍ଥନା କରାଯାଇଥିଲା | ଖୋର୍ଦ୍ଧା ଜିଲ୍ଲା ରୁ ସୂର୍ଯ୍ୟକାନ୍ତ ଦଳାଇ
