ଗୁଡ଼ାରୀ ଥାନା ପୋଲିସ୍ ଓ ଅବକାରୀ ବିଭାଗର ମିଳିତ ଚଢଉ

ରାୟଗଡ଼ା/ଗୁଡ଼ାରୀ
ତାରିଖ:୨୩/୦୩/୨୦୨୪.
ରାୟଗଡ଼ା ଜିଲ୍ଲା ଗୁଡ଼ାରୀ ଥାନା ଅନ୍ତର୍ଗତ ସାନହୁମା ଗ୍ରାମପଞ୍ଚାୟତ ଅଧିନସ୍ଥ ପାଙ୍ଗଣପଦର ଗ୍ରାମର ନଦୀ ତଟରେ ଦେଶୀମଦ ରନ୍ଧା ଭାଟିରେ ଗୁଡ଼ାରୀ ଥାନା ପୋଲିସ୍ ଓ ଅବକାରୀ ବିଭାଗ ମିଳିତ ଭାବେ ଚଢାଉ କରିଥଲେ । ଉକ୍ତ ସ୍ଥଳରେ ୧୫ ଶହ ଲିଟର ମହୁଲ ପୋଚ ସହ ୧୫୦ ଲିଟର ମହୁଲି ମଦ ଠାବ କରିବା ସହିତ ନଷ୍ଟ କରି ଦିଆଯାଇଥିବା ସୂଚନା ମିଳିଛି । ଗୁଡ଼ାରୀ ପୋଲିସ ଓ ଅବକାରୀ ବିଭାଗର ମିଳିତ ଚଢଉ ବେଳେ ଭାରାପ୍ରାପ୍ତ ଥାନା ଅଧିକାରୀ ଶ୍ରୀମତି ସମର୍ପିତା ସ୍ବାଇଁ ଓ ଟିମ୍ ଏବଂ ଅବକାରୀ ଥାନାର ଓଆଇସି ଶ୍ରୀ ବସନ୍ତ ବିଶି, କନେଷ୍ଟବଳ ସନ୍ତୋଷ ଛତି ଓ ୟସବନ୍ତି ଶବର ଉପସ୍ଥିତ ରହିଥିଲେ । ଏହି ପରିପ୍ରେକ୍ଷୀରେ କୌଣସି ଆସାମୀ ଧରାପଡ଼ି ନଥିବା ଭାରାପ୍ରାପ୍ତ ଥାନା ଅଧିକାରୀ ଶ୍ରୀମତି ସମର୍ପିତା ସ୍ବାଇଁ ସୂଚନା ଦେଇଛନ୍ତି ।