ମହିଳାଙ୍କୁ ଦୁଷ୍କର୍ମ ଅଭିଯୋଗରେ ଠକ ଜ୍ୟୋତିଷ ଗିରଫ

ମହିଳାଙ୍କୁ ଦୁଷ୍କର୍ମ ଅଭିଯୋଗରେ ଠକ ଜ୍ୟୋତିଷ ଗିରଫ । ଅଭିଯୁକ୍ତ ନିଳାମ୍ବର ପାଣିକୁ ଭଦ୍ରକରୁ ଉଠାଇ ଆଣିଲା କମିଶନରେଟ୍ ପୁଲିସ । ନିଜକୁ ଇଂଜିନିୟର କହି, ଫେସବୁକ୍ ଭିଡିଓ କରି ମହିଳାମାନଙ୍କୁ କରୁଥିଲା ଟାର୍ଗେଟ୍ । ପାରିବାରିକ ଶାନ୍ତି ଫେରାଇ ଆଣିବାର ବିଜ୍ଞାପନ ଦେଇ ମହିଳାଙ୍କ ଇଜତ ସହ ଖେଳ ଖେଳୁଥିଲା ଏହି ଲୁଟେରା ଜ୍ୟୋତିଷ । ସୋସିଆଲ ମିଡିଆରେ ଜଣେ ସଂମ୍ଭାନ୍ତ ଶ୍ରେଣୀର ମହିଳାଙ୍କ ସହ ଯୋଡ଼ି ହୋଇଥିଲା ନିଳାମ୍ବର ପାଣି । ପାରିବାରିକ ସମସ୍ୟାର ସମାଧାନ କହି ମହିଳାଙ୍କ ଘରେ ପହଂଚି ଲବଙ୍ଗ ଖୁଆଇ ଲୁଟି ନେଇଥିଲା ଲକ୍ଷାଧିକ ଟଙ୍କା । ହାତରେ ପଥରର ମୁଦି, ଆଉ ଗ୍ରହ ପୂଜା ନାଁରେ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ । ନିଳାମ୍ବର ନାଁରେ ଅଭିଯୋଗ ହେବା ପରେ ଭଦ୍ରକରୁ ଉଠାଇ ଆଣି ଭୁବନେଶ୍ୱରରେ ଜେରା କରୁଛି କମିଶନରେଟ୍ ପୁଲିସ । ଏକାଧିକ ମହିଳାଙ୍କୁ ନିଳାମ୍ବର ଠକିଥାଇ ପାରେ ବୋଲି କୁହାଯାଉଛି, ଭୁବନେଶ୍ୱର ରୁ ଶିବ କେତନ ମହାନ୍ତି ଙ୍କ ରିପୋର୍ଟ