ଶାନ୍ତିଶୃଙ୍ଖଳାରେ ସରିଲା ଯୁକ୍ତଦୁଇ ପରୀକ୍ଷା

ସାରା ରାଜ୍ୟରେ ଫେବୃଆରୀ ୧୬ରୁ ୧୯ଟି ସିଟିଂ ରେ ମାର୍ଚ୍ଚ ୨୦ ପର୍ଯ୍ୟନ୍ତ ଯୁକ୍ତ ଦୁଇ ପରୀକ୍ଷା ଅନୁଷ୍ଠିତ ହୋଇଥିଲା।ଏହିପରିପ୍ରେକ୍ଷୀରେ ବାଲୁଗାଁ କଲେଜରେ ଉଭୟ ବିଜ୍ଞାନ ଓ କଳାରେ ଯୁକ୍ତ ଦୁଇ ପରୀକ୍ଷା ଆରମ୍ଭ ହୋଇଥିବା ବେଳେ ବୁଧବାର ଦିନ ଶାନ୍ତିଶୃଙ୍ଖଳାର ସହ ପରୀକ୍ଷା ଶେଷ ହୋଇଛି।ଅନ୍ତିମ ଦିବସରେ କଳା ବିଭାଗ ତର୍କଶାସ୍ତ୍ରରେ ୩୨ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବା ଯୁକ୍ତ ଦୁଇ ଅଧ୍ୟକ୍ଷା ଜୟନ୍ତୀ ସାମଲ କହିଛନ୍ତି।ପରୀକ୍ଷା କେନ୍ଦ୍ରକୁ ସିସି ଟିଭି ପରିସର ଭୁକ୍ତ କରାଯିବା ସହ ପରୀକ୍ଷାରେ ଯେପରି କୌଣସି ତ୍ରୁଟି ନହେଉ ସେଥିପାଇଁ ପୁରା ବ୍ୟବସ୍ଥା କରାଯାଇଥିବା ବେଳେ କପି ରୋକିବା ଦିଗରେ ତ୍ରିସ୍ତରୀୟ ସ୍କ୍ୱାର୍ଡ ବ୍ୟବସ୍ଥା କରାଯାଇଥିଲା।ପ୍ରତ୍ୟେକ ଦିନ ପରୀକ୍ଷାରେ ଛାତ୍ରଛାତ୍ରୀ ମାନେ ଭଲ କରିଥିବା ବେଳେ ଛାତ୍ରଛାତ୍ରୀ ମାନେ ଉତ୍ସାହିତ ଥିବା କଲେଜ ଅଧ୍ୟକ୍ଷା କଳ୍ପନା ଦାସ କହିଛନ୍ତି।