ଜଣେ ଅଭିନେତା ଙ୍କୁ କୋର୍ଟ ଚଲାଣ କରିଛି ପୋଲିସ

ପୋଲିସ କର୍ମଚାରୀଙ୍କୁ ଗାଳିଗୁଳଜ ସହ ଆକ୍ରମଣ କରିବା ଅଭିଯୋଗରେ ଭରତପୁର ଥାନା ପୋଲିସ ଜଣେ ଅଭିନେତାଙ୍କୁ ଗିରଫ କରି ସୋମବାର କୋର୍ଟ ଚାଲାଣ କରିଛି। ସେ ହେଲେ ନୟାପଲ୍ଲୀରେ ରହୁଥିବା ପୁରୀର ବିରଞ୍ଚତ୍ ନାରାୟଣ ନାୟକ। ସେ ଏକାଧିକ ଓଡ଼ିଆ ଧାରାବାହିକ, ଓେବ୍‌ ସିରିଜ୍‌ରେ ଅଭିନୟ କରିଛନ୍ତି। ସୂଚନାନୁସାରେ, ରବିବାର ରାତିରେ ଭରତପୁର ଥାନାର ପାଟ୍ରୋଲିଂ ଟିମ ଥାନାଧିକାରୀଙ୍କ ନିର୍ଦ୍ଦେଶକ୍ରମେ କଳିଙ୍ଗ ଷ୍ଟୁଡିଓ ନିକଟରେ ରାତ୍ରିକାଳୀନ ଅବରୋଧ ଓ ଗାଡି ଯାଞ୍ଚ କରୁଥିଲେ। ରାତି ପ୍ରାୟ ୧ଟା ୧୫ରେ ଅଭିଯୁକ୍ତ ବିରଞ୍ଚତ୍ କାର ଚଳାଇ ରେଣ୍ଟାଲ ଛକ ପାର୍ଶ୍ୱରୁ କଳିଙ୍ଗ ଷ୍ଟୁଡିଓ ଛକ ଆଡକୁ ଯାଉଥିଲେ। ଏହି ସମୟରେ ଯାଞ୍ଚ କରୁଥିବା ପୋଲିସ ଟିମ୍‌ ଯାଞ୍ଚ ପାଇଁ ତାଙ୍କ କାର୍‌କୁ ଅଟକାଇଥିଲେ। ଏହାପରେ ଅଭିଯୁକ୍ତ ଜଣକ କାରରୁ ବାହାରି ଡ୍ୟୁଟିରେ ଥିବା ପୋଲିସ କର୍ମଚାରୀଙ୍କୁ ଗାଳି ଗୁଲଜ କରିବା ସହ ଆକ୍ରମଣ କରିଥିଲେ, ଭୁବନେଶ୍ୱର ରୁ ଶିବ କେତନ ମହାନ୍ତି ଙ୍କ ରିପୋର୍ଟ