ପୋଲିସ ଇନ୍ସପେକ୍ଟରଙ୍କ ବିରୁଦ୍ଧରେ ଗିରଫ ପରୱାନା । କଟକ ଜିଲ୍ଲା ବାଙ୍କୀ ଥାନା ଅଧିକାରୀ ଶିବ ଚରଣ ବେହେରାଙ୍କୁ ତୁରନ୍ତ ଗିରଫ କରି ବିଚାରପତିଙ୍କ ଆଗରେ ହାଜର କରିବା ପାଇଁ କଟକ ଜିଲ୍ଲା ଏସପିଙ୍କୁ ନିର୍ଦ୍ଦେଶ ଦେଇଛନ୍ତି ସୁକିନ୍ଦା ଜେଏମଏଫସି ।ଅସୁସ୍ଥତା କାରଣରୁ ମେଡିକାଲରେ ଭର୍ତ୍ତି ହୋଇଥିବା ଜଣେ କନଷ୍ଟେବଳଙ୍କୁ ମେଡିକାଲ ଭିତରେ ମାଡ ମାରିବା । କନଷ୍ଟେବଳଙ୍କ ପରିବାର ଲୋକେ ଏଥିରେ ବାଧା ଦେବାରୁ ସେମାନଙ୍କୁ ମଧ୍ୟ ମାଡ ମାରିବା ଅଭିଯୋଗରେ ଆଇ.ଆଇ.ସି ଶିବ ଚରଣ ବେହେରାଙ୍କ ବିରୁଦ୍ଧରେ ଅଦାଲତରେ ମାମଲା ଦାୟର ହୋଇଥିଲା । ମାମଲାର ବିଚାର କରି ସୁକିନ୍ଦା ଜେଏମ୍ଏଫ୍ସି ସେତେବେଳର ସୁକିନ୍ଦା ଥାନା ଅଧିକାରୀ ତଥା ଏବେକାର ବାଙ୍କୀ ଥାନା ଅଧିକାରୀ ଶିବ ବେହେରାଙ୍କୁ ଗିରଫ କରିବା ପାଇଁ କଟକ ଏସପିଙ୍କୁ ନିର୍ଦ୍ଦେଶ ଦେଇଛନ୍ତି । ଅଭିଯୋଗକାରୀଙ୍କ ପରିବାର ଏ ବାବଦରେ କଟକ ଜିଲ୍ଲା ଏସପିଙ୍କୁ ଭେଟି ଅଦାଲତ ନିର୍ଦ୍ଦେଶ ବବାଦରେ ଅବଗତ କରାଇବା ସହ ଅଭିଯୁକ୍ତକୁ ଗିରଫ କରିବା ପାଇଁ ନିବେଦନ କରିଛନ୍ତି, ଭୁବନେଶ୍ୱର ରୁ ଶିବ କେତନ ମହାନ୍ତି ଙ୍କ ରିପୋର୍ଟ
