ଦୁଇଟି ପିକ୍ନିକ୍ ବସ୍ ଦୁର୍ଘଟଣା

ସୁବର୍ଣ୍ଣପୁର/କେନ୍ଦୁଝର: ଦୁଇଟି ପିକ୍ନିକ୍ ବସ୍ ଦୁର୍ଘଟଣାରେ ୧୭ ଜଣ ଆହତ ହୋଇଛନ୍ତି। କେନ୍ଦୁଝର ଜିଲ୍ଲା ଦେଇ ଯାଉଥିବା ଜାତୀୟ ରାଜପଥ ୨୦ ଭାଲୁକୁମା ନିକଟରେ ଏକ ଟ୍ରକ୍ କୁ ପଛରୁ ପିଟିଲା ପିକ୍ନିକ ବସ୍। ବସ୍ ଡ୍ରାଇଭର ଓ ଶିକ୍ଷକଙ୍କ ସହ ୧୦ ଜଣ ସ୍କୁଲ୍ ପିଲା ଆହତ ହୋଇଛନ୍ତି। ସମ୍ବଲପୁରରୁ ପିକ୍ନିକ ସାରି ବାଲେଶ୍ଵର ଫେରିବା ବେଳେ ଘଟିଛି ଦୁର୍ଘଟଣା। ସେହିପରି ସୁବର୍ଣ୍ଣପୁର ଜିଲ୍ଲା ଖମ୍ୱଶିରିପାଲି ନିକଟରେ ଟ୍ରକ୍ କୁ ପଛରୁ ଧକ୍କା ଦେଲା ଏକ ଘରୋଇ ଶିକ୍ଷାନୁଷ୍ଠାନର ପିକ୍ନିକ ବସ୍। ଏଥିରେ ୭ ଜଣ ଆହତ ହୋଇଥିବା ଜଣାପଡ଼ିଛି। ୪୫ ଜଣ ଛାତ୍ରଛାତ୍ରୀଙ୍କୁ ନେଇ କୋରାପୁଟ ଜିଲ୍ଲାର ଦେଓମାଳିରୁ ଫେରୁଥିବା ବେଳେ ଘଟିଛି ଦୁର୍ଘଟଣା।