ଟାଟା ଷ୍ଟିଲ ତରଫରୁ ମା ଲକ୍ଷ୍ମୀ ପଡିଆ ଠାରେ ପ୍ଲାଷ୍ଟିକ ମୁକ୍ତ ସଚେତନତା ଅଭିଯାନ ହୋଇଯାଇଛି

କେନ୍ଦୁଝର ଜିଲ୍ଲା ଅନ୍ତର୍ଗତ ଯୋଡ଼ା ଟାଟା ଷ୍ଟିଲ ତରଫରୁ ଏକ ପ୍ଲାଷ୍ଟିକ ମୁକ୍ତ ପରିବେଶ ସୃଷ୍ଟି କରିବା ଲକ୍ଷ୍ୟ ନେଇ ଟାଟା ଷ୍ଟିଲ ଯୋଡା ପକ୍ଷରୁ ଏକ ସ୍ଵେଚ୍ଛାକୃତ ସଚେତନତା ଅଭିଯାନ ଗୁରୁବାର ଆରମ୍ଭ କରାଯାଇଛି ।
“ଟାଟା ଭଲ୍ଯୁଣ୍ଟରିଜମ” ଅନ୍ତର୍ଭୁକ୍ତ
ଏହି କାର୍ଯ୍ୟକ୍ରମ ଅବସରରେ, ଟାଟା ଷ୍ଟିଲ ଅଫିସର, କର୍ମଚାରୀ ଏବଂ ଟାଟା ଷ୍ଟିଲ ଫାଉଣ୍ଡେସନ ର ସମୁଦାୟ ୮୦ ଜଣ କର୍ମଚାରୀ ଏହି ସ୍ଵଚ୍ଛତା ଅଭିଯାନ ରେ ସାମିଲ ହୋଇ ସ୍ଥାନୀୟ ଲକ୍ଷ୍ମୀ ପଡିଆ ରେ ପ୍ଲାଷ୍ଟିକ ବର୍ଜ୍ୟବସ୍ତୁ ସବୁ ସଫI କରିଥିଲେ I
ସୂଚନାଯୋଗ୍ୟ ଯେ, ଏହି ପଡିଆ ରେ ଲକ୍ଷ୍ମୀପୂଜା ଅବସରରେ ନିକଟରେ ଅନୁଷ୍ଠିିତ ହୋଇଥିବା ମୀନାବଜାର ଯୋଗୁଁ ବହୁ ବର୍ଜ୍ୟବସ୍ତୁ ଦେଖିବାକୁ ମିଳିଥିଲା ଯେଉଁଥିପାଇଁ ଏକ ଅସ୍ଵାସ୍ଥ୍ୟକର ପରିବେଶ ସୃଷ୍ଟି ହୋଇଥିଲା Iପରିବେଶ ପ୍ରତି ଏହି ସଚେତନତା ଅଭିଯାନ ରେ ଯୋଡା ପୈରପାଳିକା ର ଚେୟାରମେନ ଡକ୍ଟର ଜଗଦୀଶ ପ୍ରସାଦ ସାହୁ ଓ ଭାଇସ ଚେୟାରମ୍ଯାନ ସନ୍ଧ୍ୟାରାଣୀ ପାତ୍ର ଯୋଗ ଦେଇ ଅଭିଯାନର ଅବଶ୍ୟକତା ବିଷୟରେ ଗୁରୁତ୍ଵାରୋପ କରିଥିଲେ। ଅନ୍ୟମାନଙ୍କ ସହ ଇଉନିୟନ୍ ର ପଦାଧିକାରୀ ମାନେ ଉପସ୍ଥିତ ଥିଲେ। ବିଭିନ୍ନ ଉଦ୍ଦେଶ୍ୟରେ ବ୍ୟବହୃତ ପ୍ଲାଷ୍ଟିକ ଦ୍ରବ୍ୟ ମୁଖ୍ୟତଃ ପ୍ୟାକେଜ ଗୁଡିକୁ ବ୍ୟବହାର ହେବାପରେ ତାକୁ ଏଣେତେଣେ ନ ଫିଙ୍ଗି ତା’ର ପୁନଃ ପ୍ରକ୍ରିୟାକରଣ ହେବା, ପ୍ଲାଷ୍ଟିକ ପଲିଥିନ କୁ ଯଥା ସମ୍ଭବ ରୋକିବା ଉପରେ ଏହି ଅଭିଯାନରେ ଅଲୋଚନା କରାଯାଇଥିଲା।
ଭବିଷ୍ୟତରେ ଏପରି ସ୍ଵଚ୍ଛତା କାର୍ଯ୍ୟକ୍ରମ ଆହୁରି କରାଯିବ ବୋଲି ସମସ୍ତେ ଦୃଢୋକ୍ତି ପ୍ରକାଶ କରିଥିଲେ I