ବେଆଇନ ଭାଟିରେ ଚଢ଼ାଉ ବିପୁଳ ପରିମାଣର ମହୁଲ ମଦ, ମହୁଲ ପଚ ସହ ୩ ଅଟକ

ରାୟଗଡା ଜିଲ୍ଲାର କାଶୀପୁର ବ୍ଲକ ଓ ଥାନା ଅନ୍ତର୍ଗତ ବାହାର ପଦାମାଝି ଗ୍ରାମରେ ଆଜି କାଶୀପୁର ପୋଲିସ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢ଼ାଉ ରେ ପ୍ରସ୍ତୁତ ଦେଶୀ ମଦ ସହ ବିପୁଳ ପରିମାଣର ମହୁଲ ଓ ମହୁଲ ପଚ ଜବତ କରିଥିବା ବେଳେ ଏହି କାରବାରରେ ୩ ଜଣ ବ୍ୟକ୍ତି ଙ୍କୁ ଥାନାରେ ଅଟକ ରଖାଯାଇଥିବା ଜଣାପଡ଼ିଛି ।ସୂଚନା ପ୍ରକାରେ କାଶୀପୁର ଥାନା ଅଧିକାରୀ ସୂର୍ଯ୍ୟ ପ୍ରକାଶ ନାଏକ ଓ ଜିଲ୍ଲା ଅବକାରୀ ବିଭାଗ ମିଳିତ ସହଯୋଗରେ ଆଜି ସକାଳେ ଏକ ଆତର୍କିତ ଚଢିଉ ଆରମ୍ଭ ହେଇଯାଇଥିଲା । କାର୍ଯ୍ୟକ୍ରମ ରେ କାଶୀପୁର ଥାନା ଅନ୍ତର୍ଗତ ବାହାର ପଦାମାଝି ଗ୍ରାମର ବିଭିନ୍ନ ସ୍ଥାନରେ ବେଆଇନ ମଦ ଭାଟି ସମେତ କାରବାର ରେ ସମ୍ପୃକ୍ତ କିଛି ଘର କୁ ତାଲାସ କରାଯାଇଥିଲା । ଏଥିରେ ଏକାଧିକ ଭାଟି ଭାଙ୍ଗିବା ବେଳକୁ ମଦ ପ୍ରସ୍ତୁତ ଉପକରଣ କୁ ନଷ୍ଟ କରାଯାଇଥିଲା । ସେହିପରି ୧୫୫୦ କେଜି ଗୂଡ଼/ମହୁଲ ନଷ୍ଟ କରାଯାଇଥିଲା। ପୁଣି ୪୦ ଲିଟର ପ୍ରସ୍ତୁତ ମଦ ସହ ଉକ୍ତ କାରବାର ରେ ୩ ଜଣଙ୍କୁ କାଶୀପୁର ଥାନାରେ ଅଟକ ରଖାଯାଇଛି । ଏଭଳି ଚଢ଼ାଉ ବାରମ୍ବାର ହେଉଥିଲେ ହେଲେ କିଛି ଅସାମାଜିକ ବ୍ୟକ୍ତି ଏଭଳି କାରବାର ରେ ଲିପ୍ତ ରହି। ମୁଣ୍ଡବିନ୍ଧା କରାଣ ସାଜିଥିବା ବେଳେ ଅଞ୍ଚଳ ପାଇଁ ସର୍ବଦା ଅଶାନ୍ତ ର ବାତାବରଣ ଲାଗିରହୁଛି । ଉକ୍ତ ତଦନ୍ତ ଓ ଚଢ଼ାଉ ଜାରି ରହିଥିବାବେଳେ ମାମଲା ରେ କାଶୀପୁର ଥାନା ପକ୍ଷରୁ ୩ ଜଣଙ୍କୁ ଅଟକ ରଖିଥିବା ବେଳେ ୨୨୯/୨୪,୨୩୦/୨୪ ରୁଜୁ କରାଯାଇଥିବା ଥାନା ଅଧିକାରୀ ସୂର୍ଯ୍ୟ ପ୍ରକାଶ ନାଏକ ପ୍ରକାଶ କରିଛନ୍ତି ।ରାୟଗଡା ରୁ ଆଶୁତୋଷ କୁମାର ପଟ୍ଟନାୟକ।।