ନୀଳଗିରି ଥାନା ଅଧୀନ ମଛୁଆ ଗ୍ରାମରେ ଘର ସମ୍ମୁଖରୁ ମହିଳାଙ୍କ ମୃତ ଦେହ

ନୀଳଗିରି ଥାନା ଅଧୀନ ମଛୁଆ ଗ୍ରାମରେ ଘର ସମ୍ମୁଖରୁ ମହିଳାଙ୍କ ମୃତ ଦେହ ମିଳିବା ପରେ ଅଞ୍ଚଳରେ ଭୟର ବାତାବରଣ ଖେଳିଯାଇଛି।ସୂଚନା ମୁତାବକ ଉକ୍ତ ଗ୍ରାମର ମୃତ ମଘଆ ସିଂ ଙ୍କ ସ୍ତ୍ରୀ ନିତି ସିଂ ଏକାକୀ ଦିନମଜୁରିଆ ଭାବେ କାର୍ଯ୍ୟକରୀ ଚଳୁଥିଲେ।ହେଲେ ଆଜି ସକାଳୁ ତାଙ୍କ ମୃତ ଦେହ ଘର ସମ୍ମୁଖରେ ପଡିଥିବାର ଦେଖି ପଡୋଶୀମାନେ ନୀଳଗିରି ପୋଲିସକୁ ଅବଗତ କରିଥିଲେ।ନୀଳଗିରି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ୨୮/୨୪ ରେ ଏକ ଅପମୃତ୍ୟ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ କରିଛି।ନିତିଙ୍କର ମୁଣ୍ଡର ପଛ ଭାଗ ଓ ଆଖି ପତାରେ ଆଘାତ ଲାଗି ରକ୍ତ ଶ୍ରାବ ହେଉଥିବାର ଦେଖିବାକୁ ମିଳିଛି ଫଳରେ ଅଞ୍ଚଳବାସୀ ହତ୍ୟା ସନ୍ଦେହ କରିଛନ୍ତି।ଗତ କାଲି ରାତିରେ ଗ୍ରାମରେ ଉଡା ପର୍ବ ଚାଲୁଥିବା ବେଳେ ବିଳମ୍ବିତ ରାଚିରେ କେହି ଦୁର୍ବୃତ ଏଭଳି ଘଟଣା ଘଟାଇଥିବା ସନ୍ଦେହ କରାଯାଉଛି ।ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସତ୍ୟାସତ୍ୟ ଜଣାପଡିବ ବୋଲି ନୀଳଗିରି ଆଇଆଇସି ଗୋପାଳ ଚନ୍ଦ୍ର କର୍ଣ୍ଣ ପ୍ରକାଶ କରିଛନ୍ତି। ନୀଳଗିରି ରୁ ବିସ୍ମୟ କୁମାର୍ ମଲ୍ଲିକ ଙ୍କ ରିପୋର୍ଟ୍ ସଂଘର୍ଷ ଟିଭି।