ଧରାକୋଟ ରେ ବି ଜେ ପି କାର୍ଯ୍ୟଳୟ ଉଦ୍ଘାଟନ ଓ ବାଇକ ରାଲି

………………………………..ଧରାକୋଟ,23/4/24
ସାନଖେମୁଣ୍ଡି ନିର୍ବାଚନ ମଣ୍ଡଳୀ ଅନ୍ତର୍ଗତ ଧରାକୋଟ ଠାରେ ବ୍ଲକ ସ୍ତରୀୟ ଭାରତୀୟ ଜନତା ପାର୍ଟିର କାର୍ଯ୍ୟଳୟ ଆସିକା ଲୋକସଭା ପ୍ରାର୍ଥୀନୀ ଅନିତା ଶୁଭଦର୍ଶୀନୀ ପଟ୍ଟନାୟକ ଓ ସାନଖେମୁଣ୍ଡି ଆସନ ର ବିଧାୟକ ପ୍ରାର୍ଥୀ ଉତ୍ତମ ପାଣିଗ୍ରାହୀ ମିଳିତ ଭାବରେ ଉଦ୍ଘାଟନ କରିଛନ୍ତି । ଏହି ଅବସରରେ ବ୍ରହ୍ମପୁର ର ପୂର୍ବତନ ମେୟର ପ୍ରାର୍ଥୀନୀ ସବିତା ସୁଆର ,ମଣ୍ଡଳ ସଭାପତି ୟୁ ପାପା ରାଓ, ଡ଼ା କ୍ଟର ସୁଧାଂଶୁ ଶେଖର ପାଣିଗ୍ରାହୀ,ରଘୁନାଥ ସାମନ୍ତରାୟ ଙ୍କ ସମେତ ସଂଖ୍ୟାଧିକ କର୍ମୀ ଉପସ୍ଥିତ ରହିଥିଲେ। ଏହା ପରେ ଏକ ବାଇକ ଶୋଭାଯାତ୍ରା 29 ନମ୍ବର ଜୋନ ଅନ୍ତର୍ଗତ ଧରାକୋଟ, ମୁଣ୍ଡମରାଇ, ସରଧା ପୁର, ଢ଼ଉଗାଁ,ରେଡ୍ଡୀ ଦାମୋଦର ପଲ୍ଲୀ ପଞ୍ଚାୟତ ର ଚରିଛକ, ଜାନବିଲି, ଗଡ ଦାମୋଦର ପଲ୍ଲୀ, ତାଳ ପାଟଣା, ହନୁମାନ ଦ୍ଵାର, ଭଣ୍ଡାରି ବସା, ସରଧା ପୁର, ବରିଗୁଡ଼ା, କୁସରାବ, ଲକ୍ଷ୍ମୀ ପୁର, କଇଠିରା, ପଙ୍କଳ ବାଡି, ବାହାଡ଼ା ଗୁଡା, ସୁନାମୋହି,ଘଷିବିଲି, କମା ଶାସନ ପ୍ରଭୃତି ଗାଁ ପରିଦର୍ଶନ କରି କେନ୍ଦ୍ରର ମୋଦି ଗ୍ୟାରେଣ୍ଟି ଓ ପ୍ରଧାନ ମନ୍ତ୍ରୀଙ୍କ ବିଭିନ୍ନ ଜନ ହିତକାରୀ ଯୋଜନା ସମ୍ପର୍କରେ ଲୋକଙ୍କୁ ନେତୃବୃନ୍ଦ ମାନେ ଅବଗତ କରାଇ ବି ଜେ ପି ପ୍ରାର୍ଥୀ ମାନଙ୍କୁ ଭୋଟ ଦେବାକୁ ଅନୁରୋଧ କରିଥିଲେ।