ନିର୍ବାଚନ ପୂର୍ବରୁ କଂଗ୍ରେସ ର ପ୍ରଥମ ପ୍ରସ୍ତୁତି ବୈଠକ

ଯୋଡ଼ା ୨୩/୦୩ (ସଂଘର୍ଷ ରମେଶ)କେନ୍ଦୁଝର ଜିଲ୍ଲା ଚମ୍ପୁଆ ନିର୍ବାଚନ ମଣ୍ଡଳୀ ରେ କଂଗ୍ରେସ ପକ୍ଷରୁ ବିଧାନସଭା ଓ ଲୋକସଭା ନିମନ୍ତେ ପ୍ରାଥୀ ଘୋଷଣା ପରେ କଂଗ୍ରେସ ପ୍ରେମୀ ଓ କର୍ମୀ ଙ୍କ ମଧ୍ୟରେ ଖୁସି ଓ ଉତ୍ସାହ ବଢ଼ିବାରେ ଲାଗିଛି, ଚମ୍ପୁଆ ନିର୍ବାଚନ ରେ ପ୍ରାୟ ଶୋଇଥିବା କଂଗ୍ରେସ ଏବେ ଦଳ ରେ ପୂର୍ବତନ କେନ୍ଦୁଝର ସାଂସଦ ଯଶୋବନ୍ତ ସିଂ ଲାଗୁରି ଯୋଗ ଦେବା ପରେ କର୍ମୀ ଉତ୍ସାହିତ ହୋଇ ପଡ଼ିଛନ୍ତି, ତେବେ କଂଗ୍ରେସ ପକ୍ଷରୁ ଆସନ୍ତା ନିର୍ବାଚନ ର ରଣକୌଶଳ ପାଇଁ ପ୍ରଥମ ପ୍ରସ୍ତୁତି ବୈଠକ ଚମ୍ପୁଆ ସ୍ଥିତ ଏକ ହୋଟେଲରେ ବିଧିବଧ ଭାବେ ଅନୁଷ୍ଟିତ ହୋଇଯାଇଛି, ଏହି ବୈଠକରେ ଉଭୟ ଦୁଇ ସଂସାଦ ଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା କରିଥିଲେ, ତେବେ ବୈଠକ ରେ ଶତାଧିକ କର୍ମୀ ଯୋଗ ଦେଇ ଶ୍ରୀ ଲାଗୁରି ଙ୍କ ନେତୃତ୍ଵରେ ନିର୍ବାଚନ ଲଢିବା ସହିତ ତୃଣମୂଳ ସ୍ତରରୁ କାର୍ଯ୍ୟ କରିବାକୁ ମତ ପ୍ରକାଶ କରିଥିଲେ, ପ୍ରତି ଘରକୁ ଘର ଯାଇ କଂଗ୍ରେସ ସପକ୍ଷରେ ଲୋକଙ୍କ ନିକଟତର ହେବା ସହ ଚମ୍ପୁଆ ର ସାମଗ୍ରିକ ବିକାଶ ପାଇଁ କାର୍ଯ୍ୟ ପ୍ରଣାଳୀ ପ୍ରସ୍ତୁତ କରିଥିଲେ, ଏହି ବୈଠକରେ ଚମ୍ପୁଆ ନିର୍ବାଚନ ମଣ୍ଡଳୀ ର ବିଭିନ୍ନ ପଞ୍ଚାୟତ ରୁ ଅନେକ କର୍ମୀ ଓ ନେତା ଯୋଗ ଦେଇଥିଲେ ।