ସଡ଼କ ଦୁର୍ଘଟଣାରେ ମହିଳା ମୃତ

ସଡ଼କ ଦୁର୍ଘଟଣାରେ ମହିଳା ମୃତ l ଘଟଣା ଘଟିଛି ଖୋର୍ଦ୍ଧା ଜିଲ୍ଲା ନାଚୁଣୀ ଥାନା ଆୟତ୍ତପୁର ଗ୍ରାମରେ l ଉକ୍ତ ଗ୍ରାମ ଛକ ପେଟ୍ରୋଲ ପମ୍ପ ସମ୍ମୁଖରେ ଏକ ବାଇକକୁ ପଛପଟୁ ଧକ୍କା ଦେଲା ଟ୍ରାକ୍ଟର l ଘଟଣାସ୍ଥଳରେ ମହିଳାଙ୍କ ମୃତ୍ୟୁ l ମୃତ ମହିଳା ଜଣକ ବେଲେଡିହ ଗ୍ରାମର ଦମୟନ୍ତୀ ପ୍ରଧାନ(38) ବୋଲି ଜଣାପଡିଛି l ସ୍ଥାନୀୟ ଅଞ୍ଚଳବାସୀଙ୍କ ସୂଚନା ମୁତାବକ ଆଜି ଅପରାହ୍ନରେ ଦମୟନ୍ତୀ ନିଜ ସମ୍ପର୍କୀୟ ପୁତୁରାଙ୍କ ସହ ଏକ ବାଇକ ଯୋଗେ ବାପଘର ବେଲେଡିହ ରୁ ଶ୍ୱଶୁର ଘର କୁମାଣ୍ଡଳ ଗ୍ରାମ ଯାଉଥିଲେ l ସେହି ସମୟରେ ଆୟତ୍ତପୁର ଗ୍ରାମ ଛକ ପେଟ୍ରୋଲ ପମ୍ପ ନିକଟରେ କରଡ଼ାପଲ୍ଲୀ ଗ୍ରାମର ଏକ ଟ୍ରାକ୍ଟର ଦମୟନ୍ତୀଙ୍କ ବାଇକକୁ ପଛପଟୁ ଶକ୍ତ ଧକ୍କା ଦେଇଥିଲା l ଫଳରେ ଦମୟନ୍ତୀଙ୍କ ମୃତ୍ୟୁ ଘଟିଛି l ତେବେ ଦୁର୍ଘଟଣା ଘଟାଇଥିବା ଟ୍ରାକ୍ଟର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛନ୍ତି l ବର୍ତ୍ତମାନ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ବେଲେ ଗ୍ରାମବାସୀମାନେ ରାସ୍ତାରେ ବସିରହିସନ୍ତି l ଅନ୍ୟପକ୍ଷରେ ନାଚୁଣୀ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଛି