ଦ୍ବିତୀୟ ଶ୍ରେଣୀ ଛାତ୍ରୀଙ୍କ ଅକାଳ ବିୟୋଗରେ ଶୋକ

ବୁଗୁଡ଼ା: ୦୨/୦୨/୨୪ : ସ୍ଥାନୀୟ ନିୟୁ ଏରା ପବ୍ଲିକ ସ୍କୁଲର ଜନୈକା ଦ୍ଵିତୀୟ ଶ୍ରେଣୀ ଛାତ୍ରୀଙ୍କ ଅକାଳ ବିୟୋଗରେ ତାଙ୍କର ବିଦ୍ୟାଳୟ ଏବଂ ଗ୍ରାମରେ ଶୋକର ଛାୟା ଖେଳିଯାଇଛି। ମୃତା ଛାତ୍ରୀ ଜଣକ ହେଲେ ଶ୍ରାବଣୀ ପ୍ରଧାନ ଏବଂ ସେ ନିକଟସ୍ଥ ଗୋଲିଆ ଗ୍ରାମର ଭଗବାନ ପ୍ରଧାନଙ୍କ ଝିଅ ଥିଲେ । ପ୍ରକାଶ ଯେ , କିଛି ଦିନ ହେଲା ଶ୍ରାବଣୀ ଅସୁସ୍ଥ ଥିବା ବେଳେ ଗତକାଲି ଗୁରୁତର ହୋଇପଡିବାରୁ ତାଙ୍କୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସାଧୀନ ଅବସ୍ଥାରେ ରାତ୍ରି ୧୧ଟାରେ ତାଙ୍କର ମୃତ୍ୟୁ ଘଟିଥିଲା l ଏ ଖବର ପହଞ୍ଚିବା ପରେ ଆଜି ତାଙ୍କର ବିଦ୍ୟାଳୟରେ ନୀରବ ପ୍ରାର୍ଥନା କରାଯିବା ସହ ସ୍କୁଲ କର୍ତ୍ତୃପକ୍ଷ ଏବଂ ଶ୍ରେଣୀ ଶିକ୍ଷୟତ୍ରୀମାନେ ତାଙ୍କର ଶୋକ ସନ୍ତପ୍ତ ପରିବାରକୁ ଭେଟି ସମବେଦନା ଜଣାଇଥିଲେ l