ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ବେଆଇନ ଖଣି ସମ୍ପର୍କିତ ଅର୍ଥ ହେରଫେର ମାମଲାରେ ହରିୟାଣା କଂଗ୍ରେସ ବିଧାୟକ ସୁରେନ୍ଦ୍ର ପାନୱାର ଏବଂ ପୂର୍ବତନ INLD ଇନୋଲ ବିଧାୟକ ଦିଲବାଗ ସିଂଙ୍କ ଘରେ ସର୍ଚ୍ଚ ଅପରେସନ କରିଥିଲା। ଦିଲବାଗ ସିଂଙ୍କ ଲୁଚି ରହିଥିବା ସ୍ଥାନରୁ ବହୁ ପରିମାଣର ବେଆଇନ ଜିନିଷ ଜବତ କରାଯାଇଛି।
ଇଡି ସୂତ୍ର ଅନୁଯାୟୀ ତାଙ୍କ ଘରୁ ବହୁ ପରିମାଣର ବେଆଇନ ବିଦେଶୀ ଅସ୍ତ୍ରଶସ୍ତ୍ର, ୩୦୦ କାର୍ଟୁନର ବେଆଇନ ସାମଗ୍ରୀ, ୧୦୦ରୁ ଅଧିକ ମଦ ବୋତଲ, ୫କୋଟି ଟଙ୍କା ଏବଂ ପ୍ରାୟ ଚାରି ରୁ ପାଞ୍ଚ କିଲୋ ବୁଲିୟନ ଉଦ୍ଧାର କରାଯାଇଛି। ଦିଲବାଗ ସିଂଙ୍କ ଲୁଚି ରହିଥିବା ସ୍ଥାନରୁ ବିପୁଳ ପରିମାଣର ସମ୍ପତ୍ତି ଦଲିଲ ମଧ୍ୟ ମିଳିଛି।
ବୁଲିୟନ ହେଉଛି ଏକ ସୁନା ଏବଂ ରୂପା ଖଣ୍ଡ, ଯାହା ଆନୁଷ୍ଠାନିକ ଭାବରେ ଅତି କମରେ ୯୯.୫ ପ୍ରତିଶତ ଶୁଦ୍ଧ ବୋଲି ବିବେଚନା କରାଯାଏ। ଏହା ଇଙ୍ଗୋଟ କିମ୍ବା ବାର୍ ଆକାରରେ। ଏହା ନିୟମିତ ଭାବରେ କେନ୍ଦ୍ରୀୟ ବ୍ୟାଙ୍କଗୁଡିକ ଦ୍ୱାରା ରିଜର୍ଭରେ ରଖାଯାଇଥାଏ କିମ୍ବା ସେମାନଙ୍କ ପୋର୍ଟଫୋଲିଓରେ ମୁଦ୍ରାସ୍ଫୀତିର ପ୍ରଭାବକୁ ଏଡାଇବା ପାଇଁ ଅନୁଷ୍ଠାନିକ ନିବେଶକମାନଙ୍କ ଦ୍ୱାରା ବ୍ୟବହୃତ ହୁଏ । ଖଣିଜ ସୁନାର ପ୍ରାୟ ୨୦ ପ୍ରତିଶତ ବିଶ୍ୱବ୍ୟାପୀ କେନ୍ଦ୍ରୀୟ ବ୍ୟାଙ୍କଗୁଡିକ ଦ୍ୱାରା ଧାରଣ କରାଯାଇଥାଏ। ଏହାକୁ ଘରେ ରଖିବା ସଂପୂର୍ଣ୍ଣ ବେଆଇନ ବୋଲି ଧରାଯାଏ। ପାଣ୍ଠି ସଂଗ୍ରହରେ ସାହାଯ୍ୟ କରିବା ପାଇଁ କେନ୍ଦ୍ରୀୟ ବ୍ୟାଙ୍କ ସେମାନଙ୍କ ବୁଲିୟନ ସଂରକ୍ଷଣରୁ ପ୍ରାୟ ଏକ ପ୍ରତିଶତ ହାରରେ ବୁଲିୟନ ବ୍ୟାଙ୍କଗୁଡିକୁ ସୁନା ଦେଇଥାଏ।
ପ୍ରକୃତରେ, ହରିୟାଣାର ଯମୁନାନଗର ଜିଲାରେ ବେଆଇନ ଖଣି ଖନନ ସହ ଜଡିତ ଅର୍ଥ ହେରଫେର ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଅନୁସନ୍ଧାନ କରୁଛି। ଏ ସମ୍ପର୍କରେ ଗୁରୁବାର ରାଜ୍ୟ କଂଗ୍ରେସ ବିଧାୟକ ସୁରେନ୍ଦ୍ର ପାନୱାର ଏବଂ ପୂର୍ବତନ ଭାରତୀୟ ଜାତୀୟ ଲୋକ ଦଳ (INLD) ବିଧାୟକ ଦିଲବାଗ ସିଂଙ୍କ ବାସଭବନରେ ଚଢାଉ କରାଯାଇଥିଲା, ଭୁବନେଶ୍ୱର ରୁ ଶିବ କେତନ ମହାନ୍ତି ଙ୍କ ରିପୋର୍ଟ
